Mënyra të mbrojtjes
-
Prezervativët mbrojnë nga HIV dhe ulin rrezikun e marrjes së IST-ve të tjera. Përdorni një prezervativ kur kryeni seks vaginal ose seks anal.
Shmangni të merrni gjak dhe spermë në gojën tuaj (ose t’i gëlltisni ato) gjatë seksit oral; më pas rreziku i marrjes së HIV bëhet shumë i ulët. - Përdorni vetëm materialin tuaj të injeksionit ose material të ri.
- Më shumë se 99% e të gjitha foshnjave të nënave me HIV janë lindur pa HIV, nëse nëna merr ilaçe gjatë shtatzënisë.
Nëse keni HIV dhe ju nuk mjekuar, ju mund të infektoni njerëz të tjerë, edhe nëse ju nuk keni asnjë simptomë ende.
Në rast të urgjencës
Nëse ju jeni ekspozuar ndaj HIV, ju mund të merrni një ilaç të quajtur “PPE”. Merrni ilaçin sa më shpejt që të jetë e mundur (jo më shumë se 3 ditë pas kontaktit të pa mbrojtur). Sa më shpejt ju të filloni ta merrni atë pas kontaktit të pa mbrojtur, aq më e lartë mundësia për të mos u infektuar. Pyesni një mjek për ndihmë.
Jo më rrezik infeksioni
Nëse merrni ilaçet e HIV tuajat siç duhet çdo ditë, sasia e HIV në gjakun tuaj (ngarkesa virale) zvogëlohet. Pas disa muajsh shpesh mund të mos zbulohet më, megjithëse virusi është ende në trupin tuaj. Atëherë pothuajse nuk ka asnjë rrezik që ju do të infektoni dikë tjetër.
Nën kushte të caktuara, është e mundur për ju të kryeni seks pa një prezervativ me partnerin tuaj të qëndrueshëm (marrëdhënie e qëndrueshme) i cili nuk ka HIV:
- Nëse ju merrni ilaçet tuaja siç duhet çdo ditë dhe
- Nëse, për të paktën 6 muaj, ngarkesa juaj virale nuk mund të zbulohet më dhe
- Nëse ngarkesa juaj virale është kontrolluar në më pak se 6 muaj më parë dhe
- Nëse ju nuk keni ndonjë IST tjetër dhe membrana mukoze e gojës tuaj, anusi, penisi ose vagina nuk është e dëmtuar.
Flisni me një mjek dhe me partnerin tuaj nëse ju doni të kryeni seks pa një prezervativ.
Nëse dëshironi të mbroheni me PEP
- Shkoni shpejt tek një mjeke ose tek një mjek.
- Pas kësaj merrni medikamentin sa më shpejt që të jetë e mundur (jo më vonë se tre ditë pas marrëdhënies seksuale).
- Merrni medikamentin katër javë rresht.
Si të mbroheni me PrEP nga infektimi me HIV, kur nuk mund të perdorni prezervativë
Në rast se ju nuk keni HIV dhe keni marrëdhënie seksuale me persona pa prezervativë, të cilët ka mundësi të jenë HIV pozitiv, për mbrojtjen tuaj ju mund të merrni rregullisht hapa. Ky parandalim nëpërmjet medikamenteve quhet PrEP. Ky medikament pengon virusin, që ai të shumohet në trupin tuaj.
Konsultohuni me një mjeke të specializuar për HIV ose me një mjek të specializuar për HIV, nëse dëshironi t´a përdorni këtë medikament. Shpenzimet do të mbulohen nga Kasa Shëndetësore Shtetërore (GKV).
