Çdokush ka pritshmëri të ndryshme dhe dëshira dhe çdo marrëdhënie është ndryshe. Megjithatë, është e rëndësishme në çdo marrëdhënie që të dy partnerët mund të shprehin ndjenjat, dëshirat dhe mendimet e tyre. Edhe nëse ka probleme në marrëdhënien e tyre ose probleme në jetën e tyre seksuale, ata duhet të përpiqen të komunikojnë.

Për çfarë të flisni me njëri-tjetrin

T’i tregosh partnerit tuaj se si ndiheni mund t’ju ndihmojë të filloni të flisni me njëri-tjetrin. Ju mund të flisni për shumë gjëra me partnerin tuaj. Për shembull:

  • ëndrrat dhe planet tuaja për të ardhmen;
  • aktivitete që do donit të bënit;
  • gjëra që pëlqeni rreth partnerit tuaj;
  • të keni fëmijë ose jo;
  • dëshirat, fantazitë dhe ndjenjat tuaja: çfarë pëlqeni dhe çfarë nuk pëlqeni në jetën seksuale tuajën, teknikat, xhelozinë…;
  • zhgënjimet dhe acarimet tuaja: çfarë ju nuk doni në marrëdhënien tuaj, kufijtë tuaj;
  • seksi i sigurt: përdorimi i prezervativëve dhe kontraceptivëve të tjerë.

Si të flisni me njëri-tjetrin

Nëse ju flisni për seksin ose marrëdhënien tuaj me partnerin tuaj:

  • Zgjidhni një moment kur keni kohë të mjaftueshme për të biseduar;
  • Përpiquni të mos fajësoni njëri-tjetrin;
  • Qëndroni realist (përmbajuni detajeve) për të evituar keqkuptimet;
  • Tregoni respekt për partnerin tuaj;
  • Flisni për ndjenjat dhe dëshirat tuaja dhe të kuptuarit tuaj të gjërave.

Të flasësh për tema intime me partnerin është e vështirë. Ndërsa biseda me partnerin tuaj mbetet tepër e vështirë, përpiquni të flisni me dikë që besoni ose kërkoni ndihmë profesionale.

Fjalori dhe përkthimet

Keni nevojë për ndihmë? Gjeni një profesionist të shëndetësisë.

Ndihma