Ju mund të mbeteni shtatzënë në afërsisht gjashtë ditë në muaj: afërsisht pesë ditë para se të ndodhë ovulimi dhe në ditën e ovulimit. Për të ditur se kur mund të mbeteni shtatzënë, duhet të dini kur do të keni ovulimin tuaj të ardhshëm. Kjo mund të jetë e vështirë për t’u parashikuar.
Ovulimi ndodh përafërsisht 10 deri në 14 ditë para ciklit tjetër menstrual (fillimi i një cikli të ri). Ciklet mund të kenë përherë gjatësi të ndryshme. Prandaj përcaktimi i ovulimit vetëm nëpërmjet llogaritjes dhe numërimit është shumë i pasigurt.
Shenjat e ovulimit
Kujdesuni për shenjat e trupit tuaj, që shfaqen në kohën e ovulacionit:
- Ju keni më shumë rrjedhje nga vagina. Lëngu duket pak si e bardha e vezës dhe është i trashë.
- Temperatura e trupit tuaj rritet pak.
- Qafa e mitrës ngrihet për lart dhe është më vështirë të ndihet përmes vaginës. Ajo është zgjeruar pak dhe ndihet e butë.
Disa gra kanë dhimbje të lehta në pjesën e fundit të barkut (dhimbje barku) gjatë ovulimit.
Kontracepsioni
Nëse ju momentalisht nuk keni dëshirë të keni fëmijë, duhet të kujdeseni për kontracepsion.